Lami-a gyud aning kape uy!
Mukiat gud dayon ning pislat kong ilong
sa higayon nga mulakaw na iyang aroma sa hangin.
Pastilan, pagkahumuta lang naman jud!
Humot pa's baho sa axe nga giligo ni Tata
human niya'g pang half bath.

Buntag,udto,gabie
wa jud intawn ko pul-e.
Maka-boang man gud ning kape.
Ma-init o ma-bugnaw
lami jud siya teh!
Pero kon ako'y papilion
ari gyud ko's init.
Kanang init pa's mga insulto
ug pagbiay-biay nila nako.
Yeko ar sad,
may nalang kay matusluban
pa man nako's bahaw nga pan
pinalit sa akong inahan
niaging tuig.

Bitaw, lami maning kape
galing lang kay pait.
Pait pa's akong gibati
kaniadtong gibiyaan niya
sa kabugnaw among relasyon.

Maayo nalang ning kape
kay mutam-is man ug mabutangag asukal.
Makapawala pa's akong duka
matag klase ni Sir "churva"
Kong imu sad kong panghutan-on
unsa'y gusto nakong imnon ron,
aw,kape gyud akoa
lami pa
unya dili bidli,
sama kang Sir nga sige'g hisgot ug honeymoon.