Rape Suspek na Nakatakas sa Preso Huli

     Matapos ang mahigit isang taon na pagtatago, ang tong suspek sa pang-gagahasa ng kanyang pamangkin ay nahuli sa Brgy. Punta Princesa, Cebu City kahapon ng umaga ,Pebrero 25,2011. Ang suspek na si Allan Romaya ay nahuli ng pangkat ng kapulisan galing sa Investigation and Detection Management Branch (IDMB), na pinangunahan ni Chief Insp. Julio Ylaya. Bago nahuli ang suspek na si Romaya banda alas 10 ng umaga, napag-alaman na ng pangkat ng IDMB na sina PO2 Ronnel Quita at SPO1 Vincent Seroy ang tungkol sa kanyang pagtatago sa Sitio Manga noong lunes. Agad na binigyang alam ni PO2 Quita si Inspector Ylaya tungkol dito.

    Si Romaya ay kasalukuyang nakatira kasama ang kanyang mgapamangkin sa isang bahay na pagmamay-ari ng kanyang tiyo. Si Romaya na naka jersey shorts ay nag-iigib ng tubig sa isang puso malapit sa kanilang bahay nang mahuli at inaresto siya ng pangkat ni Insp. Ylaya. Ayon kay Quita, nailabas na sa kanila ang warrant para hulihin si Romaya matapos itong tumakas sa preso noong Disyembre 20 isang taon na ang nakakaraan.

      Isang magsasaka ng iba't-ibang halamang ugat si Romaya. Ayon sa kanya wala siyang balak na tumakas at kusa siyang pinalayani PO2 Mike Rodriquez matapos itong maawa sa kanya sa kadahilanang manganganak na ang kanyang asawa sa pangalawa nilang anak. Kasalukuyang ikinahaharap ni Romaya ang kasong rape sa Regional Trial Court Branch 26 na pinamumunuan ni Judge Eugenio Perz sa Sibonga, Cebu. Labis na itinatangga ng suspek ang krimen. Ayon pa sa kanya, siya ay biktima rin lang ng di makatarungang hustisya. Noong siya ay tumakas, umuwi agad siya sa kanyang bahay sa Sibonga. Matapos ang apat na buwan, namasukan siya bilang isang kargador sa Carcar at naging konstrukyon worker. Ang pagmamaneho din daw ng trisikad angpinagkukuanan niya ng pera upang isustento sa pamilya niya.
       Sa isang interbyu gamit ang telepono, nakausap namin si PO2 Rodriguez. Ayon sa kanya, naloko siya ni Romaya.Pinaniwala daw siya nito na meyron itong epilepsy. "Naawa ako sa kanya matapos ko siyang makita na nakahandusay sa sahig habang bumubula ang kanyang bibig", paliwanag ni PO2 Rodriguez. " Napag-alaman ko nalang na niloko lang pala niya ako nang sinabihan ako ng doktor na sumuri sa kanya na nasa mabuti siyang kalagayan." Sabi niya inihatid niya si Romaya palabas ng detention cell ng tatlong beses. Sinamahan niya ito patungo sa isang ospital upang maipagamot. Sa pangatlong beses, doon na tumakas ang suspek nang hindi niya namalayan nang nag-aasikaso siya ng isang papeles. Isang preso rin lang daw ang nagbigay alam sa kanya tungkol s pagtakas ni Romaya.
        Subalit sa isang imbestigasyong ginawa ng mga kapulisan, napag-alamang lasing si Rodriguez kaya hinayaan nitong makatakas si Romaya. Kinakaharap ngayon ni Rodriguez ang kasong administribo na ikinasa ng Regional Internal Affairs Service laban sa kanya. Natanggal siya sa serbisyo simula noong ika-Hulyo ng isang taon ngunit nag-file agad ng isang mosyon ang kanyang abogado. Kasalukuyan siyang idiniiin sa isang Police Station sa Argao nang walang sweldo at benepisyo hanggang ngayon. Kinasuhan rin siya ni Station Insp. Lemuel Rosario ng seryosong "negligence of duty". Binubuhay raw niya ng pamilya niy ngayon sa pamamagitan ng pagtitinda ng isda kasama ang kanyang asawa. Regalo nalang daw niya kay Romaya ang pagkhuli nito, sabi ni Rodriguez.


2011 All Rights Reserved. Unauthorized use, copy, editing, reproduction, publication, duplication and distribution without his explicit permission, is punishable by law. Subject to Philippine and International Copyright Conventions on Intellectual Property Rights***

Fire and Ice

   Ang tulang ito ay isinulat ni Robert Frost, isang popular na Amerikanong manunulat. Ang diwa ng tula ay nagpapakita sa 'tin kung ano ang posibleng katapusan ng ating mundo. Ito ay kung matatapos ba ito sa isang apoy (fire) o sa isang yelo (ice). Ang struktura ng tula ay binubuo ng isang siyam na stanza ng linya na pinasikip ng huling dalawang linya. Walang regular na pagkakasunod ang pagkahambing ng mga tunog nito. 

    Kung babasahin mo ang tula kailangang may malawak ka ng karanasan sa pagbabasa sapagkat ang tula ay sinasabing hango mula sa isang gawa ng literaturaa- ang Inferno ni Dante Aligheri. Kaswal ang tono ng tula na binabalot ng isang seryosong tanong para sa mga mambabasa. Si Frost ay gumagamit ng mga matatalinghagang pahayag at simbolisismo sa kanyang tula. Sa nasabing tula, makikita nating ang mga simbolo at sagisag na kanyang ginamit upang maipahayag ang kanyang mensahe.

      Ginamit ng may-akda ang apoy na kumakatawan sa mga hangarin at pagnanais ng tao na nakapagdudulot ng kapahamakan sa kanyang sarili at sa iba. Ito rin ay naihahalintulad sapagkat ang apoy ay may kakayahang lamunin at sirain ang lahat na kanyang nadadaraanan. Ang yelo naman ay sumasagisag sa galit at pagkamuhi na namumuhay sa puso ng tao. Ipinapakita ng tula na ang makasariling hangarin at galit ng tao ay parehong maghahatid sa kanya sa kapahamakan.

       Hindi literal na sinabi ni Frost na ang mundo ay mapupuno ng yelo kundi ang mga taong naninirahan rito ay maging kasing lamig na ng yelo kung saan ang mga tao ay wala ng pakialam at malasakit para sa kanilang kapwa.

       Sa paghahalintulad ni Frost sa dalawa, kinuha nito ang atensyon ng mga mambabasa at nang matulungan silang maintindihan ang nakapaloob na mensahe ng tula. Sa pamamagitan din ng mga simbolong kanyang ginagamit inihahalintulad ni Frost ang pagkakapareho ng kalikasan sa mga gawain ng tao. Ang natural na mga katangian ng apoy at yelo ay mahihinuha na tulad ng mga ito ay nakasisira din ang mga gawi ng tao. Dito itinuturo ni Frost na maging ang tao ay likas ding nakasisira. Makikita natin mula sa linya ng tula na ang may-akda ay sang-ayon na ang mundo ay matatapos sa apoy. Ito ay sapagkat nakikita niya marahil na sa paglipas ng panahon, parami ng parami ang mga taong nagiging sakim at malupit makuha lang ang mga makamundong bagay na kanilang ninanais. Maaring naranasan din ng may-akda ang maging nasa taas at kung gaano kahirap para sa isang tao na pakawalan ang kanyang mga pagnanais. 

         Bilang mambabasa masasabi kong ang tula ni Frost ay hindi lang basta naghahalintulad at nagkukumpara sa apoy at yelo, tinataglay din nito ang isang mahalagang isyu o mensahe na nais niyang iparating sa atin.Sinasabi ng tula na kung ang pag-ibig ay gagamitin sa maling paraan maari itong makapagdudulot ng pagkasira maging sa ating sarili. Sa kabilang banda, lagin tinitingnan ng mga tao ang galit bilang sanhi ng pagkasira kaya binigyan ni Frost ng negatibong parte ang pag-ibig-- na siyang pinapakita niya sa paghahalintulad niya nito sa apoy.
      Para sa may-akda, masasabi kong naniniwala siya na ang pag-ibig ay napakamakapangyarihan na nagagawa nitong alisin ang ibang elemento na maaring makasira sa mundo gaya ng pagtunaw ng apoy sa yelo. Layunin ng may-akda na balaan ang kanyang mga mambabasa tungkol sa makasisirang pwersa ng pagnanais at galit.
      Maraming paraan kung paano natin maiintindihan ang tula pero siguradong sa mga paraang ito, iniwan sa 'tin ng may-akda ang isang mahalagang leksyon na dapat nating isapuso at isaisip.


*2011 All Rights Reserved. Unauthorized use, copy, editing, reproduction, publication, duplication and distribution of the digital photos, without his explicit permission, is punishable by law. Subject to Philippine and International Copyright Conventions on Intellectual Property Rights**